சலனமில்லா பெருங்கூச்சல்
பிரேம்குமார் மாசிலாமணி
16 Sep 2026
வேகமாய் நகரும் ரயில்
மெதுவாய் உலவும் நிலா
கருமையாய் விரிந்த வானம்
வெறுமையாய் நின்ற நானும்
நேரோடு வாழத்தான்
நெறியில்லா காலமடி
உறவில்லா வெளியிலே
உலவுகின்ற நேரமடி
காலங்கள் கரைந்தாலும்
குறையாத காதலடி
தேவைகள் திரிந்தாலும்
திசைமாறா தேடலடி
தேடித்தேடி தேய்ந்த நானும்
ஓடியோடி ஒய்ந்த அவளும்
கூடிப்பாடும் நாளுமுண்டோ?
தேடலோயும் நேரமுண்டோ?
உண்டெனில்…
தண்டவாளமாய் நானும்
ரயில்தாளமாய் அவளும்
அலையில்லா ஆழியாக
நிலைகொள்ளா யாழியாக
பெயரில்லா ஊருக்கு
புலம்பெயரத் தோணுதடி
உறவில்லா இறகாக
உருமாற வேணுமடி !
காற்றில்
மிதந்தாடப் போதுமடி !
பொருள் விளக்கம்:
இந்த வலைப்பதிவை படித்ததற்கு நன்றி. இது உங்களை மகிழ்வித்து இருக்கும் அல்லது சிந்திக்க தூண்டியிருக்குமென நம்புகிறேன். உங்கள் எண்ணங்கள் மற்றும் கேள்விகளை பகிர்ந்துகொள்ள விரும்பினால்: