உன் சிணுங்களில் சிதைந்தவன்

சந்தனத் தமிழை
சிந்திடும் இதழோ
என்னுடன் பேசிடும்
உன்னிரு விழியோ

மெல்லிசை பாடிடும்
புன்னகை மலரோ
கொஞ்சிடும் கூந்தலில்
பூத்திடும் நிலவோ

தன்னிலை மறந்து
தாளங்கள் தீட்டிடும்
கன்னியின் விரலோ
சிந்திய தூறலோ

கட்டிய சேலையில்
கொட்டிய பூக்களும்
சிட்டு நீ பாடவே
மெட்டுக்கள் தேடுதோ

ஒற்றையில் ஆடிடும்
பொட்டிடும் அழகோ
கற்றனைத் தூறிய
காவியக் கவியோ

சித்தன்ன கோயிலின்
சித்திர சிலையோ
சந்தங்கள் சேர்ந்திடும்
முத்தமிழ் மழையோ

− உன் சிணுங்களில் சிதைந்தவன்

இந்த வலைப்பதிவை படித்ததற்கு நன்றி. இது உங்களை மகிழ்வித்து இருக்கும் அல்லது சிந்திக்க தூண்டியிருக்குமென நம்புகிறேன். தொடர்ந்து என்னுடைய பதிவுகளை பெற: