எம் காதல்

சலனமில்லா பெருங்கூச்சல்
பிரேம்குமார் மாசிலாமணி

எம் காதல்

ஊரறிந்த உறவுகளில்
உளமறிந்த காதலுண்டோ
யாருணர பூமலரும்
பாருலகில் யாரறிவார் ?

காணாத அன்பென்றும்
களவாடப்படுமன்றோ
ஊரறியாவோர் திசையில்
உமியாக உலருமன்றோ

மந்தையென மாடறியும்
சந்தையென யாரறிவார் ?
மந்தைக்கு சில
சந்தைக்கு சில

காதலென்னும் பெருவெளியில்
மானிடரும் மந்தைகளே !

வந்தவைக்கு நன்றி
போனவைக்கு நன்றி
வாராமல் தூரமாய்
நின்றவைக்கும் நன்றி

காதலுக்கும் நன்றி
கவிகளுக்கும் நன்றி
எனையெனக்கு உணர்த்திய
கண்ணீருக்கும் நன்றி

எம் காதல் குறைவதில்லை
என் தேடல் முடிவதில்லை
உடல்தாண்டி உயிர்த்தாண்டி
உணர்வுலகில் நிலைத்திருப்பேன்

இந்த வலைப்பதிவை படித்ததற்கு நன்றி. இது உங்களை மகிழ்வித்து இருக்கும் அல்லது சிந்திக்க தூண்டியிருக்குமென நம்புகிறேன். உங்கள் எண்ணங்கள் மற்றும் கேள்விகளை பகிர்ந்துகொள்ள விரும்பினால்: